Бага Дунд Боловсролын Хөгжлийг Дэмжих Нийгэмлэг нь  1992 – 1999 онд (ДАНИДА) - гийн дэмжлэгээр хэрэгжүүлсэн Монгол Данийн засгийн газар хоорондын хамтарсан “Монголын бага дунд боловсролын хөгжлийг дэмжих” хөтөлбөр, түүний үр дүнгийн үргэлжлэл болон 1999 оны 11 дүгээр сард байгуулагдсан нийгэмд үйлчилдэг төрийн бус байгууллага юм.

Монгол улс хүмүүнлэг, иргэний ардчилсан нийгэм байгуулахаар зорьсон тэр хүнд агшинд (1992) “зовох цагт нөхрийн чанар танигддаг” лугаа эрт дээр үеэс л элэгсэг дотно харилцаатай байсан Дани улс хандивлагчдаас анхлан манай оронд гараа сунган, засгийн газар хоорондын “Монголын бага, дунд боловсролын хөгжлийг дэмжих хөтөлбөр”- ийг өөрийн олон улсын хөгжлийн агентлагаараа (ДАНИДА -гаар) дамжуулан хэрэгжүүлж эхэлсэн билээ. Хэдийгээр эл засгийн хөтөлбөр өндөрлөсөн хэдий ч  ДАНИДА өнөөг хүртэл төрийн бус байгууллагыг дэмжих сангаасаа Монголын БДБХДН-ийн үйл ажиллагааг дэмжин “Хөдөөгийн сургуулийн хөгжил” төслийг болон энэ онд шинээр эхэлж буй БДБХДН ба Данийн “Боловсролын хөгжлийн олон улсын хамтын ажиллагааны нийгэмлэг –БХОУХН” –ийн хамтран хэрэгжүүлж байгаа “Хөдөө орон нутгийн иргэний нийгмийн хөгжлийг Монголын уламжлалт соёлд тулгуурлан эрчимжүүлэх нь” төсөлд  дэмжлэг үзүүлсээр л байна. Манай нийгэмлэг хөдөө орон нутаг дахь 57 салбарынхаа хүрээнд үйл ажиллагаагаа явуулж байна.

Үйл ажиллагааны чиглэл

 

БДБХДН нь Бага, дунд боловсролыг Монгол орны өвөрмөц онцлог, уламжлал - шинэчлэлд тохирохуйцаар сургууль, олон нийтийн хамтын ажиллагаа, бүтээлч санаачилга дээр түшиглэн хөгжүүлэх ажлыг төрийн ба төрийн бус байгууллагатай хамтран өрнүүлэх замаар иргэний нийгмийн чадамжийг дээшлүүлдэг ашгийн төлөө бус, нийгэмд үйлчилдэг төрийн бус байгууллага мөн.

 

Алсын хараа

Монголын ирээдүй – тогтвортой хөгжихүйц боловсролтой хүүхэд

Эрхэм зорилго. Сонирхлын бүлгүүдийн оролцоо, хамтын ажиллагааны үндсэн дээр бага дунд боловсролыг уламжлалд суурилан шинэчлэх, хүүхдэд тогтвортой хөгжихүйц боловсрол олгоход дэмжлэг үзүүлэх.

Зорилтууд

• Бага дунд боловсролын агуулга, арга зүйг боловсронгуй болгох
• Боловсролын чанартай үйлчилгээг дэмжин туслах
• Багш, сургуулийн удирдлагын мэргэжлийг дээшлүүлэх
• Сурах, сургах орчин нөхцөлийг сайжруулах
• Сургуулийн хөгжил дэх эцэг эхийн оролцоог нэмэгдүүлэх
• Хүүхэд залуучуудыг болон багш нарыг тогтвортой хөгжихүйц боловсролтой болгох
• Монголын уламжлалт сурган хүмүүжүүлэх ухааны онол, арга зүйг хөгжүүлэх
• Хөдөө орон нутаг дахь иргэний нийгмийн байгууллагын чадамжийг дээшлүүлэх.

 

Зарчим

• Айлаас эрэхээр авдраа уудал
• Эвлэвэл бүтнэ, ховловол гутна
• Эвт шаазгай буга барина.
• Дэм дэмэндээ, дээс эрчиндээ.
• Ажил хийж ХҮН болно, Ар давж ХҮЛЭГ болно.
• Цаг цагаараа байдаггүй, Цахилдаг хөхөөрөө байдаггүй.
• Үгээр бус үйлээр нь шинж.
• Хүн болгон адилгүй, хүлэг болгон жороогүй.
• Чамлахаар чанга атга.

 

Түншлэл

• БШУЯ
• МУБИС
• ДАНИДА – Дани улсын Гадаад Хэргийн Яамны дэргэдэх олон улсын тусламжийн байгууллага
• Дани улсын Боловсрол Хөгжлийн төлөөх Олон Улсын Хамтын Нийгэмлэг
• Хөдөөгийн ЕБ-ын сургуулиуд
• Боловсролын Хамтын Ажиллагааны Нийгэмлэг
• Дани – Монголын Нийгэмлэг
• Монгол – Данийн Нийгэмлэг

 

БДБХДН-ийн салбар

 

БДБХДН нь хөдөө орон нутагт 57 салбартай. Салбар нь БДБХДН-ийн дүрэм, зорилго, зорилтын хүрээнд бие даан үйл ажиллагаагаа явуулдаг, нийгэмлэгийн зүгээс салбарууддаа арга зүйн болон материаллаг дэмжлэг үзүүлдэг.

 

Санхүүгийн эх үүсвэр

 

Гадаад дотоодын байгууллага, аж ахуйн нэгж, компанийн хандив, тусламж, төсөл хөтөлбөр, дүрмийн зорилгоо хэрэгжүүлэхтэй холбогдсон аж ахуйн үйл ажиллагаанаас олсон орлого, төсөл хөтөлбөр хэрэгжүүлэх зорилгоор улсын төсвөөс олгосон санхүүжилт.

 

БДБХДН-ийн бүтэц, тогтолцоо

 

БДБХДН-ийн удирдлагын бүтэц, тогтолцоо